Act 13 | HUI | STEP | Keriso hameigini Andiogoni hearu maru Ngode Datagaliwabe manalatagi haga halu maru Ngode Datagaliwabe mana lawai haga hene. Tinaga mini Banabasabi Simiono ibu ka̱i̱ mini Mindibi ibubi Sairiniali mini Lusiasabi Manaini ibu ala haru haga Herodo heba haga henego ibubi Solobi uruni hene.

a 13.1Ab 11.27

b 13.2Ab 9.15, Lm 10.15, Ga 1.15, Eb 3.7-8, 1Ti 2.7, Hi 5.4

c 13.3Ab 6.6

d 13.4Ab 15.39

e 13.5Ab 12.12, 12.25, 13.13, 13.46, 15.37

f 13.82 Ti 3.8

g 13.10Md 13.38, Yo 8.44, 1Yo 3.8

h 13.11Har 9.3, 1Sml 5.6, Ab 9.8

i 13.13Ab 13.5, 15.38

j 13.15Lg 4.16, Ab 13.27, 15.21, Hi 13.22

k 13.16Ab 12.17

l 13.17Har 1.7, 6.6, 12.5, Man 7.6-7, Iba 105.23-24

m 13.18Har 16.35, Dag 14.34, Man 1.31, Iba 95.10, Ab 7.36

n 13.19Man 7.1, Yos 14.1, Iba 78.55

o 13.20Hgn 2.16, 1Sml 3.20

p 13.211 Sml 8.5, 8.19, 10.1, 10.21

q 13.221 Sml 13.14, 15.23-26, 16.12-13, 2 Sml 2.4, Iba 89.20, Hos 13.11

r 13.232 Sml 7.12-16, Iba 132.11, Ais 11.1, Lg 1.32, 1.69, Lm 11.26

s 13.24Md 3.1-2, Mg 1.4, Lg 3.3, Lm 11.26

t 13.25Md 3.11, Mg 1.7, Lg 3.16, Yo 1.20-27

u 13.26Md 10.6, Lg 24.47, Ab 13.16, 13.46

v 13.27Lg 23.34, 24.20, 24.44, Yo 16.3, Ab 3.17, 15.21, 1Ko 2.8

w 13.28Md 27.22-23, Mg 15.13-14, Lg 23.21-23, Yo 19.15

x 13.29Md 27.57-61, Mg 15.42-47, Lg 18.31, 23.50-56, Yo 19.28-30, 19.36-42

y 13.30Md 28.6, Ab 2.24

z 13.31Ab 1.3, 1.8

aa 13.32Pig 12.3, Ab 13.23, Lm 4.13, Ga 3.16

ab 13.33Iba 2.7, Lm 1.4, Hi 1.5, 5.5

ac 13.34Ais 55.3

ad 13.35Iba 16.10, Ab 2.27, 2.31

ae 13.361 Kin 2.10, Ab 2.29

af 13.38Dan 9.24, Lg 24.47, Ab 10.43, 1Yo 2.12

ag 13.39Ais 53.11, Lm 3.28, 8.3, 10.4, Hi 7.19

ah 13.40Ais 29.14

ai 13.41Hab 1.5

aj 13.43Ab 11.23, 14.22, Ta 2.11, Hi 12.15, 1Pi 5.12

ak 13.45Ab 14.2, 18.6, 1Pi 4.4, Ju 10

al 13.46Ais 55.5, Lg 7.30, Ab 3.26, 18.6, Lm 1.16, 10.19

am 13.47Ais 42.6, 49.6, Lg 2.32

an 13.48Ab 11.18

ao 13.50Ab 17.4, 17.12

ap 13.51Md 10.14, Mg 6.11, Lg 9.5, 10.11, Ab 18.6

aq 13.52Md 5.12, Yo 16.22, Ab 2.46

Acts 13

Banabasa Solola dabowa, Libu pudaba, lenego ogo

1 Keriso hameigini Andiogoni hearu maru Ngode Datagaliwabe manalatagi haga halu maru Ngode Datagaliwabe mana lawai haga hene. Tinaga mini Banabasabi Simiono ibu ka̱i̱ mini Mindibi ibubi Sairiniali mini Lusiasabi Manaini ibu ala haru haga Herodo heba haga henego ibubi Solobi uruni hene. ^a 2 Keriso hameigini biarume Anduane Homogo mitangi bialu lotu lalu howatomo nane hagane manani hearia Ngode Datagaliwabe Dinini ibugua tihondo lalu, Banabasa Sololame biabe bilo lo manda bu ngodagua tígua libu loma bia ho heladaba, lene. ^b

3 Ani layagola hale howa Keriso hameigini biaru tomo nane halu Ngode Datagaliwabehondo bi lowa tigua Banabasa Sololanaga haguaneni gi wialu lalu, Ai biabe bule pudaba, layagola libu pene. ^c

Banabasa Solola Saibarasani howa binigo ogo

4 Ngode Datagaliwabe Dinini ibugua Banabasa Solola pudaba lamiyagola libu Selusia pialu iba solowara angeni dalini. Selusia howa libu iba taluni biralu pialu dindi mbira iba dege dombeneha wiago mini Saibarasa ogoniha pene. ^d 5 Puwa tano mbira mini Salamisi anda puwa libugua Yu wali agalinagangoai hagane andaruha anda pialu Ngode Datagaliwabe bi mana lamialu hene. Yone Maga ibugua libu biamogo bule ti haru pene. ^e

6 Tigua lamima puabo halu Saibarasa dindi lene mendehayagi tano mini Paboso anda pene. Anda puwa gamugamu biaga agali mbira mini Ba-Yasu ti lola hene. Ba-Yasu ogoni ibu Yu agali howa, I̱ Ngode Datagaliwabe manalatagi haga kogo, lalu ke̱ halu laga hene. 7 Ani howa ibu gabumane haru haga agali Segiasa Polasa ibu manda timbunibi heago heba haga hene. Gabumane agali ogoni Ngode Datagaliwabe bi mana hale hoa howa ibugua Banabasa Solola ibilo olene. 8 Ani olayagola gamugamu biaga ibu mini Girigi bi lalu Elimasa laga ibugua gabumane agalime Yasu mana yu tiga bulilono mo perela hene. ^f 9 Ani biyagola Solo marume ibu mini Polo laga henego ibuha Ngode Datagaliwabe Dinini to̱lai hayagola ibugua gamugamu biaga biago tiga tiga handade howa 10 lalu, Í̠ dama Heyolabenaga igini ke. Bayale bulene bibahende ngago í̠na waitigi ho kegoni. Mo hondo hagane mana bibahende í̠na biai harilibi Anduane Homogonaga mana tigabi ngago mo batara hole manda bu hariligobi kegoni. ^g 11 Anduane Homogonaga gime í̠ baragola horo dewaru ni darago de nahandabehe holebere, lalu Polohanda lene. ^h

Ani layagola abaleore ginu arumahe aleme Elimasanaga de yi hayagola ibugua mbirali ibunaga gini yalu pelo hai bialu hene. 12 Ani biyago hondowa gabumane agali biagome Yasu mana yu tiga bini. Ibugua Anduane Homogonaga bi mana Polohanda lawai hayago mitangi bialu mini mogolo hene.

Pisidia dindinaga tano Andiogo penego ogo

13 Polobi ibu heba hayarubi ti Paboso wahalu iba taluni biralu Pambilia dindi pialu tano mini Pega anda pene. Tano ogoriani howa Yone Maga ibu Polo Banabasala helalu Yarusaleme dai bini. ⁱ 14 Ani biyagola libu Pega wahalu Pisidia dindinaga tano mbira mini Andiogo anda pene. Anda puwaSabada horo hayangi libu Yu wali agalinagangoai hagane andaha pialu berene. 15 Ngoai hagane anda ogoniha berearia Mosese heneyangiMana lo winigobi Ngode Datagaliwabe manalatagi hagarume mana gilibu winigobi beba uruniha howa agali marume dagalene. Dagalayagola howa ngoai hagane anda haru hagarume Polo Banabasalahondo bi lawia halu lalu, Hamene labo-o wali agali mini mo hongo holenenaga bi mana mbira yidabiyagua lamilibulo hame ledama, lene. ^j 16 Ani layago hale howa Polo ibugua heyuwa gi gamu lowa lalu, ^k

Isaraeleali kamirubi wali agali tara tara Ngode Datagaliwabe mitangi bu haga kamirubi i̱na bi larogo tí hale hadaba. 17 Isaraelealinaga Ngode Datagaliwabe kago ibugua bamba inanaga mamali ti Iyibi dindini mbira nabaile hearia dabowa mo dewa hene. Ani buwa Ngode Datagaliwabehanda ibunaga hongo timbunime Iyibini howa ti haru tagira puwa ^l 18 dindi ko wali agali nahaga wiagoriani hearia mali pira mariani (40) ibugua donge halu tinaga genda yu haabo hene. ^m 19 Ani buwa Isaraeleali ti Kenana dindi anduane helo Ngode Datagaliwabehanda Kenanali hameigini tara tara kariaru Isaraelealime bo wa helene. ⁿ 20 Ani bialu heane mali handari mariani pira duria agima (450) hene. ^o

Ani biyagola howa Ngode Datagaliwabe mana latagi haga Samuele ibilo Ngode Datagaliwabehanda agali haguanerume ti haru helo hela aribia haga bini. 21 Samuele heneyangi Isaraeleali hearume tinaga kini hame lowa tigua Samuelehondo, Mbirali dabo hela, lene. Ani layagola Ngode Datagaliwabehanda Beniyamini hameiginiha howa agali mbira Kisi igini mini Solo dabo helene. Ani biyagola Solo ibu tinaga kini heane mali pira maria (40) hene. ^p 22 Mani Ngode Datagaliwabehanda Solo dugualu Debidi ibu tinaga kini helo dabo aribia ho helene. Ibugua Debidi mitangi bialu bi lenego ogo, Yasi igini Debidiore ibu agali i̱ hame ledogobi ka. Ibugua i̱na bia larodagua biaiore holebira, laya, lene. ^q 23 Polohanda ani lowa lalu, Debidinaga aguanene mbirali Yasu ibu Isaraele wali agalinaga Pele Miaga helo Ngode Datagaliwabehanda bamba lo winidagua ibu helene. ^r 24 Yasu ibuni biabe bule naibiha Yonehanda Isaraele wali agali lamialu, Ko birimigonaga bu mini beregedowa baboraya bilimu, lalu lamiaga hene. ^s 25 Yone ibunaga biabe bumaro bulene tu kaware wiyagola ibugua wali agalihondo lalu, I̱ ai ka lo mitangi bidamibe. Tí mbirali ibilo hondo kamigo i̱ ndoore. Biabe bumaro berogola ibu ibulebirago de hondoleberemi. I̱na ibunaga ge su hadole nakarulapeore kogoni, lalu Yonehanda laya, lene. ^t

26 Polohanda lalu, I̱ hamene mbaliniru-o tí Abarahama aguanene kamirubi wali agali tara tara Ngode Datagaliwabe mitangi bialu lotu lo haga kamirubi ina bibahendehondo Ngode Datagaliwabehanda pele mulenenaga mana lawia hayagoni. ^u 27 Yarusalemeni wali agali hearumebi tinaga haru haga hearumebi Yasu ibu Pele Miaga ka manda nabi hene. Tigua Ngode Datagaliwabe mana latagi haga bamba henerume bi gilibu winigo ngago Sabada horo bibahendengi daga laabo hagago ogoni hale howa ti manda nabi dege hene. Manda nabi howa tigua Yasu homelo bolene nga layagola Ngode Datagaliwabe mana latagi haga biarume mbiwia halu lo winidagua lola hene. ^v 28 Anigo Yasu homelo bolene irane handa walia nahe howa tigua Pailatehondo lalu, Ibu homelo ba, lene. ^w 29 Andune Homogonagambugani Yasunaga te gilibu winigo ngadagua tigua biai hayagola maru hearume ibunaga tingini ira bangani wiaria yamuwa egeandaha hora hene. ^x 30 Ani biyagola Ngode Datagaliwabehanda ibu mo heya hene. ^y 31 Mo heya hayagola wali agali ala ibu heba Galili howa Yarusaleme piyarume ibu de hendelo horo dewani ibu ha pani haga bini. Ibu de handayarume áyu Isaraele wali agalihondo ibu walia hagane ti ka. ^z 32 Anigo iyame tíhondo Bi Mana Debene langule íbu kaba. Ngode Datagaliwabehanda Yasu mo heya hayagome ala ina mamalihondo buleberoore lo winidagua áyu ina tinaga aguanene bu kamarunaga bia hayagoni. Iba Gana mendeni bi gilibu ngago ogo,

I̱ igini í̠ kegoni.
Áyu í̠ Aba i̱ harogoni,
lenego gilibu nga. ^{aa
,} ^ab 34 Ngode Datagaliwabehanda Yasu mo heya howa ibunaga tingini homaliha togo nabilo lalu lenego ogo,

Turu holene wiaabo haga bayaleru ala Debidihondo muleore bero lalu lo wirudagua
Ngode Datagaliwabehondo mini mbiraorewi kamiru tíhondobi ngulebero, lalu
lenego gilibu nga. ^ac 35 Ogonibi bi mende gilibu ngago ogo,

Í̠naga biabe bia haga loma biahe helarigo ibunaga tingini togo nabilo helolebere,
lenego gilibu nga. ^ad 36 Debidihanda Ngode Datagaliwabenaga biabe bulene winigo ibugua biai halu homene. Homayagola maru hearume ibu mamali hora heagoria dege ibunaga tingini hora hayagoria togo bini. ^ae 37 Ogoni biyadagua ndo Ngode Datagaliwabehanda mbirali homaliha howa mo heya hene biago ibunaga tingini togo nabini. 38 Ogonigo i̱ hamene mbaliniru-o Yasu ibu togoni howa ko birimago domolenenaga mana tíhondo langialu kabagoni tí bibahende kamiru manda biaiore halimulo hamelo kaba. Yasuhondo mini mbiraorewi karu ti bibahendenaga ko biyaru Mosese heneyangiMana lowini ngagome nadomabehe wiaru ibugua domo wahai haga ka manda bilimu. ^{af
,} ^ag 40 Anigo Ngode Datagaliwabe manalatagi haga biarume ala mbiwia halu lenego tíha lola holigo mamage halimu. Tigua mbiwia halu lenego ogo, ^ah

41 Mege biaga kamiru tí de handadaba.
De hondowa mogo lalu homalimu.
Áyu ogoni tí kamiruha biabe bialu kogo hondowa tígua mini mbiraore nawuleberami.
Mbiralime tíhondo bayuwa langiragolabi tígua mini mbiraore nawuleberamiore,
lalu lenego gilibu nga, lalu Polohanda lene. ^ai

42 Ani lai howa Polo Banabasalangoai hagane andaha howa tagira pialu hearia wali agali biarume libuhondo lalu, Mana ogonibi hale holoma̱yaSabada horo mendengi langule dai bilibu, lene. 43 Ani lowa wali agali ngoai hayaru tagira pialu purogo layagola Yu wali agalibi wali agali tara tara Yualinaga mana yu tiga biagabi dewa hearume Polo Banabasala heba pene. Pialu howa libugua o biaruhondo bi lalu, Ngode Datagaliwabenaga biamogo bia holene ngagoria hana ho haabo halimu, lalu lamini. ^aj

44 Sabada horo mendengi tano ogoriani wali agali bibahende hearu Anduane Homogonaga bi mana hale hole ngoai hene. 45 Wali agali dewaore ngoai ho hearu de hondowa Yuali hearume Polohondo henge lowa ibu mege bialu ibu bi mana lamiyago, Mana ogoni kooreda, lalu hene. ^ak 46 Ani layagola Polo Banabasalame hongo howa lalu, Ngode Datagaliwabe bi mana tíhondo ala langulene wini. Tígua mana ogoni erembira mialu haabobo holene hame nalarimigo tí wahalu iyame Yu wali agali ndo tara tara karuhondo lamima poleberaba. ^al 47 Bulene mbira Anduane Homogohanda iya langiyago ogo,

Yu wali agali ndo wali agali tara tarame de hendelo i̱na í̠ lamu hale ale heledogo.
Í̠ togoni howa wali agali dindi bibahendeni karu pele mulene yu helo ani heledo,
laya, lene. ^am

48 Ani layago hale howa wali agali tara tara biarume turu halu lalu, Anduane Homogonaga bi mana bayaleore, lene. Maru hearume haabobo holene ogoni yu helo Ngode Datagaliwabehanda dabo heleneru tigua Yasu mana yu tiga bini. ^an

49 Dindi ogoriani Anduane Homogonaga bi mana loyogo lene. 50 Ani biyagola Yuali biarume tano ogoninaga agali timbuni hearubi wali timbuni mini lene Ngode Datagaliwabehondo mitangi bialu lotu laga berearubi tigua Polo Banabasalahondo keba helo mo ha hene. Mo keba howa ti gimbu buwa tigua Polo Banabasala mo tandaga halu dindi ogoriani howa wara tagi hene. ^ao 51 Ani biyagola howaabosolo biago labome tigua biyagoni nakarulape birimi lalu walia halu abalu libunaga geni para hayago taulo wahalu Aigoniama pene. ^ap 52 Yasu mana yu tiga biaga Andiogoni hearu tiha turu holenebi Ngode Datagaliwabe Dininibi to̱laihe hene. ^aq